Barriga kinahanglan agresibo

CEBU, Philippines — Ang kanhi Olympian nga si Mark Anthony Barriga  gitambagan ni Pinoy boxing analyst Ed Tolentino nga  kinahanglang agresibo kini sa iyang away batok sa Mehikanong si Carlos Licona ugmang adlawa didto sa California aron seguradong makuha ang IBF minimumweight title.

Si Barriga nabantog sa iyang depensa ug footwork, apan si Tolentino miingon nga kinahanglan nga mopakita usab siya og kabangis ilabi na nga usa ka offensive fighter  si Licona.  

Sama ni Barriga nga walay   pilde   sa   siyam ka sangka, si Licona undefeated usab sa iyang 13 ka away.

Salig hinuon si Tolentino nga makaya ra kini ni Barriga nga laraw  mohimo og kasaysayan isip labing unang Pinoy Olympian nga  mahimong world champion.