Cameeronian Ben Mbala kuhaon sa Magnolia isip replacement import?

CEBU, Philippines — Milutaw ang pangan ni Cameeronian Ben Mbala isip replacement import sa Magnolia Hotshots kun ugaling dili pa makarekober ang kasamtangan nilang import nga si Romeo Travis inig sugod sa PBA Governors Cup finals.

Ang kanhi CESAFI ug UAAP MVP nga si Mbala dugay na nga mipadayag sa iyang interes nga moduwa sa PBA isip import.

Si coach Chito Victolero miingon nga nahinabi na nila ang kampo sa 6-foot-5 nga si Mbala ug andam kini nga moduwa kun kinahanglanon.

Ang Game-1 sa 'best-of-seven' finals gikatakda karon  pang  Disyembre 5.

Sangkon sa Magnolia ang Alaska Aces.

Gidugang ni Victolero nga gikinahanglan kaayo niya si Travis  ilabi na nga adunay maayong import ang Aces nga si Mike Harris. Sila si Travis ug Harris maoy nagribal karon  alang sa Governors Cup "Best Import" award.