Wilder nabaid na ang kumo batok Fury

CEBU, Philippines – Si Deontay Wilder mibutyag nga ang makutas nilang training camp nagbaid og maayo sa iyang mga kumo nga iya unyang ipabuhagay sa pagdepensa niya sa iyang WBC title batok ni Tyron Fury sunod bulan.

Wala pa'y pilde sa 40 ka away diin 39 sa iyang mga biktima iyang gipalukapa.

Si Wilder makigharong ni Fury didto  sa  Staples Center sa Los Angeles karong Disyembre 1 nga seguradong usa ka eksplosibo nga engkuwentro tali sa duha ka higanteng boksidor.

Ang 33-anyos nga si Wilder nga naglaraw nga makaharong si IBF, WBA ug WBO heavyweight champion Anthony Joshua sunod tuig, nagkanayon nga anaa   karon    siya    sa  labing  nindot niyang kondisyon human sa ilang training camp.

"I'm feeling wonderful," matud  pa ni Wilder. "My mindset has changed, my body has changed, I feel like a killer. I'm transformed into a killer."

Sa katapusan niyang away, si Wilder midiaog pinaagi sa 10th round TKO batok ni Luis Ortiz sa Cuba niadtong Marso.

Masaligon si Wilder nga maprotektahan niya ang wa'y pilde niyang rekord batok sa Briton nga si Fury nga alang kaniya walay klaro ang estilo sa inawayan. Taas ug dako man tuod si Fury, apan mura kini og estatuwa sa panaw-aw ni Wilder.