Almazan dili pa paduwaon
CEBU, Philippines — Bisan nangandoy ang Rain or Shine Elasto Painters nga makakuha'g luna sa playoffs sa PBA Governors Cup, dili gihapon nila paduwaon ang kontrobersiyal nilang player nga si Raymond Almazan.
Ang 6-foot-8 nga si Almazan nabalik na sa koponan human sa kapin duha ka semana nga pagkawala, apan si Rain or Shine coach Caloy Garcia miingon nga dili pa kini makauban sa team.
Si Garcia miingon nga kinahanglan pa nga makighinabi ni Almazan sa mga kadagkoan sa koponan aron maklaro kun unsay hinungdan sa iyang kalit nga pagkawala.
"Sabi ko nga sa kanila, they should set a good example, especially the veteran players. Since nangyari 'yun, gumanda 'yung takbo namin sa ensayo. Hopefully, if ever mapaisip siyang maglaro, I hope he comes in ready to play as a professional," matud pa ni Garcia sa Spin.ph.
Ang Painters mag-atubang og krusyal nga duwa batok sa Columbian Dyis karong alas-4:30 sa hapon didto sa Ynares Center.
Kun modaog sila batok sa Columbian Dyip, ang Painters magtabla sa San Miguel Beermen sa ikawalong dapit sa standing sa managsama nilang 3-4 records.
Sa main game sa alas-6:45 sa gabii, ang Magnolia Hotshots laraw nga mosakmit sa ikawalo nilang daog nga mopalig-on sa ilang kupot sa No.1 spot dihang ilang harungon ang Meralco Bolts.
- Latest
