Pacquiao-Broner fight hapit na maluto
CEBU, Philippines — Gipahibalo ni Pinoy boxing champion Manny Pacquiao nga hapit na mahingpit ang ilang sangka ni kanhi four-division world champion Adrien Broner sa Enero sunod tuig.
"Ninety percent done na yung Broner fight," matud pa ni Pacquiao sa The Philippine Star.
Si Pacquiao nga misakmit sa WBC welterweight champion niadtong Hulyo human gipaundang si Argentinian Lucas Matthysse, miingon nga posibleng depensaan niya iyang bakus batok ni Broner, kansang estilo sa inawayan susama ni Floyd Mayweather Jr.
Sa Enero 12 o Enero 19 sunod tuig ang gikatakda nilang away didto sa Las Vegas.
Nasayran nga si Pacquiao gikataho nga mipirma na og promotional contract ni Al Haymon, ang adviser ni Mayweather Jr. Ang sangka batok ni Broner nakita sa mga boxing analysts nga tune-up fight ni Pacquiao sa dili pa ilang 'rematch' ni Mayweather. Dili hinuon kakompiyansaan si Broner kay aduna kini rekord nga 33-3, 24KOs.
- Latest
