Aces winasak ang Dyip

MANILA, Philippines — Bumangon ang Alaska mula sa naunang kabiguan para palakasin ang tsansa sa Top Four.

Kumamada si import Mike Harris ng 44 points at 27 rebounds sa 104-94 paggiba ng Aces sa Co­lum­­bian Dyip sa 2018 PBA Governor's Cup kahapon sa Cuneta Astrodome sa Pasay City.

Ang ikaanim na panalo ng Alaska sa walong laro ang nagtabla sa kanila sa Blackwater (6-2) sa ikatlong puwesto sa ilalim ng Mag­nolia (7-1) at nagde­de­­pensang Barangay Gi­n­e­bra (7-2).

Nalasap naman ng Co­­lumbian ang kanilang pang-siyam na sunod na ka­­malasan.

Kaagad kumolekta si Harris ng 25 markers at 14 boards sa first half kung sa­an nagtayo ang Aces ng 10-point lead, 53-43, laban sa Dyip.

“I was able to get established early in the first quarter and my teammates kept finding me,” wika ni Harris.

Pinalaki pa ito ng Alaska sa 81-61, sa 3:06 minuto ng third period bago ito na­pababa ng Columbian sa 86-93 mula sa dalawang free throws ni Jackson Cor­puz sa 5:27 minuto ng fourth quarter.

Ngunit muling humataw si Harris katuwang sina Vic Manuel at Chris Banchero para muling ilayo ang Aces sa 101-88 sa huling 1:52 mi­nuto ng laro.

Nag-ambag si Manuel ng 16 points kasunod ang tig-10 markers nina Banchero at JVee Casio, ayon sa pagkakasunod, para sa Aces.

Tumapos naman sina import Akeem Wright at Cor­puz na may tig-19 points para banderahan ang Dyip, habang nag-am­bag naman ng 14 mar­kers si Jerramy King.