Falcons sumosyo sa liderato; Green Archers wagi sa Red Warriors

MANILA, Philippines — Tinambakan ng Adam­son University ang Natio­nal University, 69-58, pa­­ra su­­­mosyo sa liderato sa Sea­son 81 UAAP men’s bas­­ketball tournament sa Mall of Asia Arena sa Pasay City.

Hangad makabangon mula sa dalawang sunod na pagkatalo, agad lumamang ang Falcons ng 16 puntos, 27-11, sa unang yug­to at lomobo sa 42-23 sa first half tungo sa ka­nilang ikaanim na panalo at muling makasama ang nag­dedepensang Ateneo Blue Eagles sa top spot sa pa­rehong 6-2 kartada.

Tumapos si Jerrick Ahan­misi na may 21 points at 3 rebounds, habang may 16 points, 10 rebounds at 2 steals naman si import Papi Sarr para sa magandang umpisa ng Adamson sa se­cond round.

Nagdagdag din ng 11 points si Sean Manganti pa­ra sa tropa ni head coach Franz Pumaren.

Hindi rin nagpahuli ang De La Salle Green Ar­chers matapos tambakan ang University of the East Red Warriors, 79-59, para makisalo sa ikatlong puwesto kasama ang Far Eastern University Tamaraws sa parehong 5-3 baraha.

Nagtulung-tulong sina En­cho Serrano at Adrei Ca­racut sa pinagsamang 15 points sa 17-3 rally ng Green Archers sa third period para masungkit ang ka­nilang panalo.

Samantala, sinuspindi ng UAAP si Arvin Tolenti­no ng FEU Tamaraws ng da­lawang laro, habang tig-isa sina Thirdy Ravena ng Ateneo at Javi Gomez de Liano ng UP Fighting Maroons dahil sa unsportsmanlike foul sa nakaraan ni­lang laro.