Kanhi boxing champion nalutsan'warrant of arrest'

CEBU, Philippines – Mitahan sa   kapolisan didto sa California si kanhi welterweight champion  Victor Ortiz human  malutsi og 'warrant of arrest' tungod sa kasong pagpanglugos.

Ang 31-anyos nga si Ortiz gipasanginlan sa usa ka babaye nga milugos kaniya sulod sa iyang panimalay.

Ang  kapolisan sa California paingon na unta modakop ni Ortiz, apan giunhan na lang sila og surrender sa kanhi boxing star. Wala hinuon mapriso si Ortiz human  kini makapiyansa og $100,000.

Si Ortiz usa sa mga sikat nga boksidor diin nahimo siyang WBC champion niadtong tuig 2011.  Nakasangka usab niya si Floyd Mayweather  Jr. sa tuig 2012.

Si Ortiz  nga  adunay rekord nga 32-5, 25KOs gikatakda unta nga mobalik sa ring karong Domingo batok ni John Molina, apan kaduha-duhaan pa kun  mahinayon ba kini.

Gawas sa boksing, si Ortiz nahimo usab nga usa ka action star didto sa Hollywood.