Kasinatian 'alas' ni Nietes

CEBU, Philippines — Halapad nga kasinatian maoy bugtong alas ni  three-division world champion Donnie 'Ahas' Nietes (41-1-4, 23KOs) sa ALA Gym sa iyang sangka  batok sa kababayan niyang si Aston 'Mighty' Palicte, (24-2, 20KOs) alang sa bakanteng WBO super flyweight title sa gikahinaman nga "Superfly 3" card karong Domingo didto sa The Forum sa Los Angeles, California.

Sayod si Nietes nga si Palicte mas batan-on, mas taas ug mas dako kaniya, apan nagtuo siya nga ang kasinatian nga iyang napundar sud sa dul-an duha  ka dekada na niya nga pamuksing makahatag kaniya og bentaha sa iyang pagsuway og angkon sa ikaupat niyang korona sa lain na sab nga timbang.

"I know Aston is taller and younger than me, but I know how to fight tall fighters and my experience will be a big factor in the fight. I am happy for this fight and the exposure that it will bring me,"  matud pa ni Nietes. "There are a lot of good fighters in the super flyweight division and I look forward to fighting Juan Francisco Estrada if we both win on Saturday Sept. 8 (Sept. 9 Phl time) at the Forum."

Apan ang 26-anyos nga si Nietes angayan nga mangandam sa usa ka dakong gubat batok ni Palicte nga masaligon kaayo sa iyang tsansa nga modaog pinaagi sa knockout.

"I am the stronger, faster fighter in this bout and I need to take advantage of my height and reach. I believe I can knockout  Nietes and make a name for myself with this win. If not by knockout I will get a decision.

This is a fantastic fight for all Filipino boxing fans and we will continue the great tradition of Filipino boxing into the ring," sumala pa ni Palicte nga manghod ni Nietes og siyam ka tuig.

Ang sangka nilang Nietes ug Palicte maoy ikaduhang all-Pinoy world title bout sud lamang sa upat ka bulan ug ikatulo sa kinatibuk-an sa kasaysayan sa boksing sa Pilipinas.

Niadto lamang Mayo didto sa Save Mart Arena sa Fresno, California, si Jerwin 'Pretty Boy' Ancajas mipilde ni Jonas 'Zorro' Sultan aron pagpabiling  IBF junior bantamweight champion.

Ang labing unang world championship match diin nag-unay ang duha ka Pinoy'ng boksidor nahitabo 93 ka tuig na ang milabay sa dihang si Pancho Villa nakadepensa sa iyang world flyweight title batok ni Clever Sencio niadtong 1925 didto sa Manila. (BANAT NEWS)