Ginebra batok Columbian

CEBU, Philippines – Magsugod na ang defending champion Barangay Ginebra Kings sa pagpanalipod sa ilang trono ug ingon man ang 'back-to-back' title sa PBA Governor's Cup.

Sangkaon sa Ginebra ang wala pa'y daog nga Columbian Dyip sa alas-7 sa gabii human sa sangka tali sa Phoenix Fuel Masters ug TNT KaTropa nga sugdan sa alas-4:30 sa hapon didto sa Smart Araneta Coliseum.

Ang Ginebra ni coach Tim Cone maoy  naghari sa Commissioner's Cup diin nila gilumpag ang powerhouse San Miguel Beermen sa finals.

Inspirado sab nga moduwa ang Ginebra karon    tungod   kay anaa man gihapon si Justin Brownlee, ang best import sa Commissioner's Cup.