Haslem moduwa pa sa Heat

CEBU, Philippines – Nakig-estorya si  Udonis Haslem sa  kadagkoan sa Miami nunot sa tinguha niining mobalik og duwa uban sa Heat alang sa ika-16 niining season.

Wala pa'y gitakda nga panahon si Haslem kon kanus-a siya mopagawas og desisyon, apan duna na'y klarong indikasyon nga magpahigot siya sa team nga iyang gisilbihan sa tibuok niyang karera.

Ang mga opisyales sa Heat, apil na ang presidente nilang si Pat Riley, daan nang mipahibawo nga gusto nilang kuhaon og balik si Haslem.

Sa iyang karera, si Haslem mi-average og 7.7 points ug 6.8 rebounds matag duwa. Kanunay siyang starter sa Heat nga nakampiyon niadtong tuig 2006, 2012 ug 2013.