Cebu leg sa 'Laban ng Lahi' sa Agosto 26

CEBU, Philippines – Usa ka talagsaong lumba nga  mopakita sa kanindot sa kultura ug batasan sa mga Pinoy, ang ipahigayon nga ulohan og 'Laban ng Lahi' karong Agosto 26 didto sa Lapu-Lapu City.

Gatosan ka runners ang gilauman nga mosalmot sa lumba nga naglangkob sa 10K ug 5K distances.

"The main   objectives of Laban ng Lahi are, first to promote our country's tourism and culture, next is to achieve national unity, to showcase that we are united people which we want to promote more of the positive sides of the country and give them a direct participation to make them feel that they belong, and third is to give back to the community through our livelihood projects that is part of our advocacies," matud pa ni Laban ng Lahi President and Founder Joenel Pogoy atol sa press conference kagahapon didto sa Wellcome Hotel sa Barangay Lahug, Cebu City.

Gawas sa Sugbo, ang organizers mopasiugdan sab og regional eliminations sa General Santos, City,  Iloilo City, Baguio ug Pangasinan.

Ganting salapi  ug medalya ang gitagana alang sa mga mananaog sa matag dibisyon.  Ang kampiyon sa 10K sa men's ug women's makadawat og P15,000,  samtang ang second ug third placers mobulsa og P4,000 ug P1,500 matag usa.

Ang top three finishers sa 5K makadawat og P5,000, P1,500 ug P1,000, samtang ang mga top three foreign winners  modaog og P5,000, P3,000 ug P1,000.

Niadtong interesado nga mosalmot mahimo nang makaparehistro. Ang registration fee nagkantidad og P700 sa 10K ug P500 sa 5K. Mahimong magpa-rehistro didto sa SM City Cebu, Mactan Island Golf Club ug Shangri-La Mactan Resort and Spa.