Lesin nimasaker sa AC Troopers sa CELBA caging
CEBU, Philippines – Nagtampohay og 10 puntos sila si Erwin Budiongan ug Loloh Sicad alang sa Lesin nga nimasaker sa AC Troopers, 73-60 sa CELBA Season 3 basketball tournament niadtong Miyerkules didto sa Canduman Housing gym, dakbayan sa Mandaue.
Sa laing bahin, ang Jabas midaog sab human ma-forfeit ang Krizia.
Pagsugod pa lang, mipahaguros dayon sa ilang makalisang nga ataki ang Lesin aron molansang og 10 puntos nga bentaha human sa unang 10 minutos sa duwa, 16-6.
Usa sa dako og natampo sa scoring atol sa maong kuwarter mao si Reyden Villaronza nga mipugnit og siyete puntos ug milangkat og lima ka rebounds sa Lesin ni Gilbert Lesin nga aduna na karo'y 6-3 record.
Ang team ni S/Insp. Dondon Coloscos nga AC Troopers nga gipaluyohan sab sa Bol-anon Eatery gipangulohan ni Harvey Magale, kinsa mipaarak og 12 puntos ug walo ka rebounds.
Gikan sa 10 puntos nga bentaha, miburot pa ang labaw nga Lesin ngadto sa 36-21 sa halftime, apan mianam-anam kini og kahiyos hangtod nga nakatabla ang AC Troopers, 41-all human sa tulo ka kuwarter.
Ilang na-outscored ang Lesin, 5-21 sa third period, apan nanginit og balik ang Lesin sa fourth quarter aron maangkon ang 13 puntos nga kadaogan.
Ang liga ubos sa superbisyon ni S/Insp. Dondon Coloscos sa abag nilang Willy Medillo, Richard Limosnero, Roel Tayag, Lloyd Chavez ug Wendel Oquias.
PUNTOS MATAG USA
LESIN (73) – Budiongan 12, Sicad 10, Villarosa 8, Recto8, Villaronza 7, Lesin 6, Ocier 6, Tigue 5, Rosacena 5, Bordario 4, Pacquiao 4.
AC TROOPERS (60) – H. Magale 12, Chavez 9, Englis 8, Areja 7, Coloscos 5, Ouano 4, Salduga 4, Cabiluna 4, Lavador 3, Suico 2, Cabahug 2.
- Latest
