Petron iiwas vs Generika
MANILA, Philippines — Haharapin ng Petron Blaze ang Generika-Ayala habang magtatagpo naman ang F2 Logistics at UP-UAI Lady Fighting Maroons ngayon sa pagbabalik ng 2018 Philippine Superliga Invitational Conference sa FilOil Flying V Center sa San Juan City.
Tiyak ang dikit na laban sa pagtatagpo ng Blaze Spikers (2-0) at Generika-Ayala Lifesavers (2-1) sa alas-4:15 ng hapon at paborito namang magwagi ang Cargo Movers (2-0) kontra sa UP-UAI Lady Fighting Maroons (0-3) sa alas-7 ng gabi.
Sa ibang laro, susubukan naman ng Philippine national women’s team ang Smart-Army Giga Hitters sa alas-2 ng hapon.
Pangungunahan nina Mika Reyes, Aiza Maizo-Pontillas at Frances Molina ang Blaze Spikers sa laban nila kontra sa Lifesavers nina Ross Hingpit, Angeli Araneta, Mikaela Lopez at Marivic Meneses.
Nagwagi ang Petron sa Foton, 27-25, 25-19, 22-25, 25-17 sa una nilang laro noong Hulyo 3 at sinundan ng magaang na panalo laban sa UP-UAI, 25-9, 25-16, 25-17 noong Hulyo 7.
- Latest
