NCAA games kanselado
MANILA, Philippines — Nagdesisyon ang NCAA Management Committee na kanselahin ang mga laro sa seniors at juniors basketball tournament ngayong araw dahil sa masamang panahon.
Agad na naglabas ng desisyon si NCAA Management Committee chairman Frank Gusi ng season host University of Perpetual Help System Dalta kahapon upang maiwasan ang anumang aberya at masiguro ang kaligtasan ng mga manlalaro, coaching staff, opisyales at mga manonood sa laro.
“Because of the bad weather, we are postponing all NCAA games tomorrow (today),” ani Gusi.
Nakatakda sanang magharap ang nagdedepensang San Beda at Arellano sa The Arena sa San Juan City gayundin ang Letran at EAC at ang Perpetual Help at St. Benilde.
Sa juniors, lalaruin sana ang bakbakan sa pagitan ng Letran at EAC, Perpetual Help at La Salle-Greenhills at ng Arellano at San Beda. (CCo)
- Latest
