Rivers gi-Trade sa Wizards

CEBU, Philippines – Miuyon si Los Angeles Clippers coach Doc Rivers nga i-trade ang point guard niyang anak  nga si Austin Rivers ngadto sa Washington Wizards bugti ni veteran center   Marcin Gortat.

Si Doc nga mao usab ang presidente sa Clippers miangkon nga mas kinahanglan nila ang sentro ilabi na nga wala pa sila makaseguro kun magpabilin pa ba ang ilang starting bigman nga si DeAndre Jordan.

Si Austin usa sa mga sinaligang playmaker ug scorer sa Clippers sa miaging season diin mi-average siya og 15.1 points ug upat ka assists. Ang 34-anyos nga si Gortat mi-average lang og 8.4 points ug 7.6 rebounds sa Wizards sa miaging season.