Pardo Builders vs. Cepba sa PGD 50-above finals

CEBU, Philippines – Gitagak sa CEPBA ug Pardo Builders ang ilang tagsa-tagsa ka kaatbang aron maoy magsangka sa kampiyonato sa Pardo Golden Dribblers 50-above Basketball Tournament 2018.

Ang CEPBA mipilde sa AYA CCA sa iskor nga 65-61 ug ang Pardo Builders milumpag sa Park 'N Go Bakeshop, 60-51 sa semifinals niadtong Martes didto sa Inayawan Sports Complex, Cebu City.

Si Rey Eduave mikulit og 14 puntos aron pangulohan ang CEPBA nga wala na molingi pa  human miposte og 22-20 nga bentaha sa halftime.

Mikadlit sab og 14 puntos si Boy Bual ug maoy nangulo sa scoring sa napalagpot nga AYA  CCA.

Ang CEPBA-Pardo Builders final showdown duwaon karong Martes human sa duwa tali sa  AYA CCA ug Park 'N Go nga magtigi alang sa ikatulong puwesto nga magsugod sa alas-7:30 sa gabii.

Giorganisar ni Lando Almojallas, ang mga duwa gipadagan ni league commissioner Edwin  Dejacto Sr.

PUNTOS MATAG USA

Unang duwa:

PARDO Builders (60) – Ebrado 18, Regidor 9, Espinosa 9, Artillano 6, Rosito 4, Diaz 4, 

Solatorio 2, Campos 2, Dejacto 2, Zafra 2, Alocillo 2.

PARK 'N Go (51) – Bacullo 17, Fuentes 5, Mosqueda 4, Babanto 4, Rama 4, Arias 4, Lim 3, 

Nomio 2, Babatid 2, Cantarona 2, Dayondon 2.

Ikaduhang duwa:

CEPBA (65) – Eduave 14, Tampos 13, Rasagajo 10, Abella 9, Cenabre 6, F. Yosores 4, 

Abano 2, Casals 2, S. Yosores 2.

AYA CCA (51) – Bual 14, Bantolinao 8, Escuyos 8, Miñoza 7, Bagahansol 6, Posadas 2, 

Jacalan 2, Galon 2, Cortes 2.