Fajardo nangandam batok sa Chinese Taipei

CEBU, Philippines – Nabahin karon ang huna-huna ni PBA reigning MVP JuneMar Fajardo tungod kay gawas sa krusyal nga kampanya sa San Miguel Beermen sa PBA Commissioner's Cup, angay usab siya nga mangandam alang sa iyang pagduwa uban sa Gilas Pilipinas sa 2019 FIBA World Cup qualifiers karong Hunyo 29 didto sa Taiwan.

Si Fajardo miingon nga segurado nga  depensaan siya og maayo sa Chinese Taipei nga ilang gipilde sa first leg sa iskor nga 90-83 niadtong Nobiyembre  miaging tuig.

Ang 6-foot-10   Cebuano center maoy mibida sa maong duwa diin mirehistro siya og 17 puntos, walo ka rebounds ug duha ka blocks.

Si Fajardo uban sa tibuok Gilas Pilipinas gikatakdang molarga sa Taiwan karong Lunes.