CCT Builders 4-1 na's Celba

CEBU, Philippines – Naguba ang  20 puntos nga pundasyon sa CCT Builders sa tunga-tungang bahin sa fourth quarter, apan nakahimo gihapon pagtukod og daog dihang ilang gilumpag ang Villaflores, 80-71 sa CELBA Summer League 2018 niadtong Miyerkules didto  sa Canduman Housing gym, Mandaue City.

Si Richard Madrid maoy nangu sa unom ka CCT Builders players nga miiskor og double figures sa iyang 13 puntos.

Laing nakakuha og double digits mao si Roy Ermac nga miayag og 12 puntos, gisundan ni Jun Ouano nga miabuno'g 11 puntos sa CCT  Builders nga duna na'y 4-1 record.

Ang team owner nga si Engr. Chucho Tan uban nilang Eboy Quiñahan ug Ramon Alburo nagkuridas og 10 puntos sa CCT Builders, kansang 66-46 nga labaw sa fourth period inanay nahilis ngadto na lang sa 78-71 sa hinapos nga bahin sa duwa.

Anugon kaayo ang 25 puntos ni Ahmay Lapiña kay wala kini makapadaog sa team ni Jerome Villaflores.

Sa laing duwa, ang Butch Surveying milubong sa LEALAC, 79-54 ubos sa pagtimon nilang Raul Mahusay ug Raul Gonzaga nga nagkumboya'g 26 puntos.

Si Patrick Dayanan lang ang naka-double figures sa Villaflores nga mikamada og 13 puntos.

Ubos sa pagtugot sa outgoing president nga si S/Insp. Dondon  Coloscos, ang mga duwa gipadagan nilang Engr. Roel Tayag, Richard Limosnero ug Willy Medillo.

PUNTOS MATAG USA

Unang duwa:

BUTCH Surveying (79) – Mahusay 16, R. Gonzaga 10, Suson 9, Herbieto 8, Aligway 8, E. Alcover 6, Cabonillas 4, Monterola 4, Migallen 4, Cabucos 3, Pilit 3, Taghoy 3.

LEALAC (54) – Dayanan 13, A. Gonzaga 7, Alicaya 7, Miñoza 6, Antelegado 6, Marturilas 6, Aventajado 4, Lepiten 2, Menaling 2.

Ikaduhang duwa:

CCT Builders (80) – Madrid 13, Ermac 12, Ouano 11, Tan 10, Quiñahan 10, Alburo 10, Palero 6, Solana 5, Bucabal 4, Cena 2.

VFL (71) – Lapiña 25, Cabrera 7, Canas 6, Seno 6, Destrouse 5, Villaflores 4, Prieto 4, Alabat 4, Alcontin 3, Rafada 3, Genobia 2, Son 2.