Rosauro salig modaog na

CEBU, Philippines – Dako ang paglaum ni Cebuano mixed martial artist Roel 'Akiyama' Rosauro nga makuha na ang labing una niyang daog sa One Championship sa iyang  sangka batok ni  Sunoto 'Terminator' Peringkat sa Indonesia karong gabii didto sa Singapore Indoor Stadium.

Kini ang ikaduhang sangka ni Rosauro sa labing dakong MMA organization sa Asya.

Pakyas siya sa iyang 'debut' human mapilde pinaagi sa submission ni Li Kai Wen sa China niadtong Pebrero 23 didto sa Myanmar.

"I am positive with his chance because unlike his ONE Championship debut, he had a longer preparation this time," matud pa sa trainer ni Rosauro nga si Master Benigno 'Ekin' Caniga Jr., ang founder sa sikat nga Yaw-Yan ArDigma Cebu.

"Aki is also fighting in 135 lbs. division which is his natural weight unlike last February where he was forced to go up one division against the Chinese," dugang pa ni Master Ekin. 

Ang veteran striker nga si Rosauro adunay rekord nga 5-2, samtang si Sunoto adunay 8-3 nga baraha.

Gawas ni Rosauro, laing Pinoy ug kanhi world champion nga si Eduard 'Landslide' Folayang mohimo sa iyang comeback fight batok ni Kharun 'Predator' Atlangeriev sa Russia.