PH pasok sa q’finals ng Street Child World Cup

MANILA, Philippines — Nagwagi ang Philippines’ Payatas-based all girls team kontra sa India, 6-0 para tumuntong sa liderato ng Group C sa 2018 Street Child World Cup na ginanap sa Moscow, Russia.

Dahil sa kanilang panalo, pumasok ang Pinay team sa quarterfinal round laban sa Mauritius sa Linggo (Manila time).

“The competition will only get tougher at this point, but our girls will surely deliver their best performance and make us all proud,” ani team manager Roy Moore.

Sinabi pa ni Moore na ang quarterfinals match ay makikita livestreamed sa kanilang Facebook sa Linggo ng hapon (Moscow time).

Nauna rito, tumabla ang Team Philippines laban sa malakas na England, 1-1. Inunahan ng mga Filipina Booters ang England sa free kick goal ngunit bumawi ang England para maitabla ang laban sa second half.

Malaki ang tuwa ng mga Filipino expatriats na nanood sa laro sa panalo ng koponan laban sa India at pangunahan ang Group C standing.