Taulava mohimo'g kasaysayan
CEBU, Philippines – Kasaysayan nga lisud tupngan ang himuon ni NLEX Road Warriors center Asi Taulava tungod kay siya ang labing edaran nga PBA All-Star sa liga.
Ang 45-anyos nga si Taulava moduwa sa ika-16 niyang All-Star Game karong Mayo 27 didto sa Iloilo City.
Nalakip siya sa Visayas All-Star nga makigsangka sa Gilas Pilipinas.
Si Taulava nga nagpabilin sa liga human sa dul-an duha ka dekada naapil gihapon sa All-Star kay nagpakita gihapon siya og impresibong duwa uban sa Road Warriors.
"It’s always an honor to be part of the All-Star weekend. The All-Star has always been an outreach program for us players to give back to the fans,” matud pa ni Taulava sa The Philippine Star, ang igsuong mantalaan sa Banat News.
Si Taulava nahimong All-Star MVP niadtong tuig 2004 ug 2006.
Si Taulava moduwa uban ni James Yap sa Rain or Shine Elasto Painters.
- Latest
