Servania nagpanikad na

Naghinam-hinam na si kanhi world title challenger Genesis Servania sa iyang ‘comeback’ fight batok ni Indonesian Jason Butar Butar karong Mayo 13 didto sa Quezon City. Si Servania katapusan  miaway sa Pilipinas niadtong tuig 2015 dihang anaa pa siya sa poder sa ALA Promotions.

Donovan coach gihapon sa Thunder

Misalig  gihapon ang  Oklahoma City Thunder ngadto sa ilang coach nga si Billy Donovan bisan pa og natagak sila sa first round sa playoffs batok sa Utah Jazz. Si Thunder general manager Sam Presti nagkanayon nga dili na basulon si Donovan sa kapakyasan  ug mopokus na lang sila sa pagpalig-on pa sa Thunder alang sa sunod season.

Balkman nagpaabot og tawag

Miangkon si Alab Pilipinas champion import Renaldo Balkman nga nagpaabot siya og tawag gikan sa bisan unsa nga PBA teams nga  mokuha sa iyang serbisyo alang sa PBA Commissioner’s Cup. Si Balkman miduwa isip PBA import niadtong tuig 2013 sa wala pa gi-ban human gituok ang iyang teammate nga si Arwind Santos.  Gilibkas na hinuon sa PBA ang lifetime ban ug  mahimo na siya nga makabalik sa liga.