Sniper mitumba sa D’lurics Enterprises sa Triple-A Caging

CEBU, Philippines — Ang team manager nga si Gilbert Lesin mikadlit og 14 puntos alang sa koponan niyang Sniper ngamidemolis sa D’ Lurics Enterprises, 60-40 sa Triple-A President’s Cup 2018 basketball tournament niadtongDomingo didto sa Kimwa gym sa Subangdaku, Mandaue City.

Kini ang unang daog sa Sniper sud sa tulo ka duwa.

Gawas ni Lesin, nakatampo sab og dako sa kadaogan sila si Erwin Budiongan nga mitimbre’g 13puntos ug Loloh Sicad nga mitimang og 10 puntos sa Sniper ni coach Christopher ‘Crismart’ Martinito,kansang kadaogan nangalimyon sa  sayong bahin sa fourth quarter human miposte og 42-29 nga bentaha.

Kuyaw unta kaayong nakaduwa ang team manager  sa D’ Lurics Enterprises  nga si DodongLurica nga mihakot og 14 puntos, ingon man si Joshua Yu nga mihipos og 12 puntos. Apan nakawang lang ang mga paningkamot nilang Lurica ug Yu kay wala sila makakuha og maayong suporta gikan sa ilangkaubanan.

Gawas sa huyang  ug katag nilang depensa, bugnaw sab ang duwa sa ilang tirador nga si  GerylBukiron ug Al Yamomo nga  usa sa mga hinungdan sa   kapildihan sa D’ Lurics Enterprises. Ang duhanakumboya lang og siyete puntos.

Sa pasiunang duwa, ang Explorer nangayo pa og overtime una maangkon ang tungason ngakadaogan batok sa Quincen, 75-73 sa gubat sa wa’y pilde nga koponan.

Gipangulohan ni Rechel Bamba ang Explorer sa iyang 19 puntos, samtang si  Johnrey Gorgonionga nakakawat og krusyal nga steal sa himalatyong segundos sa overtime, miambit og 16 puntos.

Sayo untang makuha sa Explorer ang daog dihang labaw sila og kuwatro puntos sa katapusang 24segundos, 61-57, apan nabaraw kini dihang napatabla ni Richard Madrid ang duwa pinaagi sa free throws,61-all nga naghatod sa duwa ngadto sa overtime.

Si Tawing Grafe maoy topscorer sa Quincen sa iyang 18 puntos, gisundan ni Ger Armamento ngaadunay 10 puntos.

Ang Explorer ni Alan Buenavista aduna na’y 2-0 nga baraha, samtang ang Quincen dunay 2-0record.

Ang liga nga nahimo ubos sa pagtugot sa presidente niining si Alan Buenavista ug bise

presidente Dodong Lurica gipadagan ni commissioner Geryl Bukiron sa abag nilang Ramel Baclay, Orly

Navarro ug Lahug Brgy. Capt. Dodong Taborada.

Puntos Matag Usa

Unang duwa:

EXPLORER (77) –  Bamba 19, Gorgonio 16, Estremos 8, Buenavista 6, Chavez 6, Medillo 4, Suson

3, Baclay 2, Dela Pe?a 2, Garcia 2, Apet 1, Ouano 1.

QUINCEN (73) – Grafe 18, Armamento 10, Recto 8, Madrid 8, Navarro 8, Dayanan 8, Cena 4,

Quiñahan 4, Razon 3, Ermac 2.

Ikaduhang duwa:

SNIPER (60) – Lesin 14, Budiongan 13, Sicad 10, Quijano 8, Amaga 5, Varro 3, Armamento 2, Lepon

2, Bucabal 2, Soco 2.

D’ LURICS (40) – Lurica 14, Yu 12, Cuda 4, Yamomo 4, Bukiron 3, Yatan 3. (BANAT NEWS)