Sorongon daog sa Run 4 ERUF
CEBU, Philippines — Ang beteranang long-distance runner nga si Ruffa Sorongon misakmit na usab og laing titulo pinaagi sa pagdominar sa Marco Polo Plaza Cebu's Run for Eruf 2018 kagahapon sa buntag didto sa Marco Polo Plaza Hotel Cebu grounds.
Ang 27-anyos nga si Sorongon misakiyo sa 10K women's title human gihuman ang lumba sud sa 44 minutos ug 35 segundos gisundan nila ni Leonora Villamor (54:13) ug El Marie Albeos (56:47) sa ikaduha ug ikatulong dapit.
Sa men's division, si Joseph Emia midaog sa titulo sa oras nga 36 minutos ug 17 segundos. Iyang gilupig sila si Michael Largo (38:54) ug Azlan Pagay (39:18) nga mipahiluna sa ikaduha ug ikatulong dapit.
Nanghawud sa 5K run sila si Ariel Saballa ug Lourence Garcia.
Si Saballa midaog sa oras nga 17:37 gisundan nila ni Harold Kim Guiao (18:22) ug Ian Refuela (18:50), samtang uban ni Garcia (22:48) sa top three finishers sa women's mao sila si Nancy Del Castillo (34:48) ug Rhoda Amante (36:49). (BANAT NEWS)
- Latest
