Bowers mipasalig Star dad-on sa Finals

CEBU, Philippines - Ang import nga si Cinmeon Bowers mipasalig sa Star Hotshots nga iyang tabangan ang koponan nga moabante sa finals sa PBA Governors’ Cup  nga gitakdang buksan karong Hulyo 19.

Nanghambog si Bowers nga ang iyang duwa susama ni Golden State Warriors star ug ‘Defensive Player of the Year’  Draymond Green. Gawas sa depensa, si Bowers miingon nga usa siya ka all-around player ug makahimo usab pagpuntos og daku.

Si Star coach Chito Victolero nagkanayon nga kugihan ug pisikal moduwa ang 6-foot-5 nga si Bowers ug mao kini ang gipangita sa ilang team. (BANAT NEWS)