Organique Acai triathlon team giporma
CEBU, Philippines - Pormal nang gilusad sa Organique Acai ang ilang 20-man triathlon team nga mopakita sa ilang katakus sa local ug international races karong tuiga.
Ang team gilang-kuban ni team captain June Bastida, May Salimbangon, Charles Balbuena, Imar Oracion, Joanna Uy, Rue Pañibon, Khu Arellano, Mark Uy, Steve Guanzon, Charles Calunod, Chad Go, Alexander Diaz, Kyrie Mehanes, James Pagay, Francis Salimbangon, Glenn Gonzales, Marco Mempin, Jodl Dabon, Chad Salimbangon ug Arjae Ravago.
“This is a young team but we immediately had a successful campaign during the Dipolog Triathlon last month. Our main goal for this year is to have a good showing in the Cobra Ironman,” matud pa ni Bastida sa press conference kagahapon didto sa Pig and Palm restaurant sa Cebu Business Park.
Subhan ang katakus sa Organique Tri Team karong Domingo sa Rotary Corporate Triathlon didto sa Mactan Newtown Beach Resort sa Lapu-Lapu City.
Gawas sa Cobra Ironman 70.3 Philippines sa Agosto, laing lumba nga ilang salmotan mao ang National Age Group Triathlon sa Hulyo didto sa Cagayan de Oro City, Bellevue Resort 5150 Triathlon sa Nobiyembre didto sa Bohol ug duha ka triathlon events sa California sa hinapos nga bahin ning tuiga.
Si Organique, Inc. marketing director Lerma Mendoza miingon nga gipili nila nga mosuporta og triathlon team tungod kay mas makatabang ang Organique Acai supplements sa mga atleta sa maong matang sa sport. (BANAT NEWS)
- Latest
