Aulga Hardware nagsolo na sa liderato SA GG50S
CEBU, Philippines - Nakalahutay sa makutas nga duwa ang Aulga Hardware batok sa AMBL/Power Forty, 79-75 sa nagkainit nga aksiyon sa Guadalupe Golden 50s Basketball Tournament First Conference niadtong Domingo didto sa Tejero gym, siyudad sa Sugbo.
Sa maong kadaugan, ang Aulga Hardware nagsolo na karon sa kinatumyang bahin sa standing uban ang 6-0 nga baraha, samtang ang AMBL/Power Forty nakatilaw sa ilang unang pilde sud sa unom ka duwa.
Miariya og 15 puntos si Gaga Cabanilla aron pangulohan ang opensa sa Aulga Hardware nga nakabawi human maalkanse og nuybe puntos sa first period, 13-22. Laing tulo niya ka teammates ang mihimo sab og double digits performance.
Sa habig sa AMBL/Power Forty, nangu sa scoring mao si Caloy Lim sa iyang 21 puntos, gisundan ni Michael Arias nga adunay 19 puntos.
Sa sayo pa, ang Tejero Archers nakapana na sab og daog, ning higayona batok sa MCWD Union, 87-71.
Silang Alex Ybañez ug Dede Ferraren nga parehong mitusak og 20 puntos mangu sa tanang scorers sa Tejero Archers nga mirehistro og 64-52 nga bentaha sa sayong bahin sa fourth quarter.
Ang 0-6 nga MCWD Union gipangulohan ni Arms Marata nga mikandos og 22 puntos, samtang si Boy Cempron mihakot og 18 puntos.
Sa laing pang mga aksiyon, ang Trangia McMill milubong sa wa’y daug-daog nga BTBA, 90-73 ug gidemolis sab sa Tisa Q. Top ang Aname Homes Tungkil, 93-68.
Puntos matag usa
Unang duwa:
Tejero Archers (87) – Ybañez 20, Ferraren 20, Ocampo 18, Amen 8, Solon 6, Tudtud 5, Baya 3, Coyoca 3, Romeo 2, Dela Victoria 2.
MCWD Union (71) – Marata 22, Cempron 18, Arroz 9, Salcedo 6, Alvarez 6, Jagmoc 4, Chan 4, Bordadora 2.
Ikaduhang duwa:
Aulga Hardware (79) – Cabanilla 15, Bual 13, Lawas 10, Galon 10, Bihag 9, Arias 9, Miñoza 4, Jacaban 4, Posadas 3, Cortes 2.
AMBL/Power Forty (75) – Lim 21, Arias 19, Misa 8, Abasolo 7, Moniva 5, Mosqueda 4, Rama 4, Cantarona 2, Ozon 2, Cabatas 2.
Ikatulong duwa:
Trangia McMill (90) – Elizalde 18, Comendador 16, Dela Cruz 14, Dela Peña 13, Abano 13, Cenabre 10, Caburnay 6.
BTBA (73) – Cabrera 20, Ceballos 18, Caballero 10, Cabanero 9, Rocamora 6, Enriquez 6, Desuyo 4.
Ikaupat nga duwa:
Tisa Q. Top (93) – Ungria 16, Delgado 15, Pahamutang 14, Taneza, Delcampo 18, Seno 6, Mabatid 8. Nomio 2.
Aname Homes Tungkil (68) – Pistolante 30, Camota 12, Cañete 10, Yares 7, Cincoflores 5, Jose 4. (BANAT NEWS)
- Latest
