Mururi, Arcuino daog sa Summer Family Run
CEBU, Philippines - Ang Kenyan nga si Joseph Mururi ug Gemeda Arcuino maoy nangulo sa mga mananaog sa Summer Family Run kagahapon didto sa Cebu Business Park.
Si Mururi nag-una sa 10K men's open sa oras nga 33 minutos ug 13 segundos, gisundan ni Prince Joey Lee sa iyang 34:25, samtang si Joseph Emia milandig sa ikatulo sa oras nga 34:45.
Ang di kaayo ilado nga si Arcuino, sa iyang bahin, milupig sa mas inilog nga si Lovely Andrin alang sa women's title. Si Arcuino unang milabang sa finish line sa oras nga 44:06, gisundan ni Andrin sa iyang 45;35. Si Jona Dela Torre anaa sa ikatulo sa oras nga 47:34.
Ang kababayan ni Mururi nga si Eric Chepsiror mao ang naghari sa 5K action sa oras nga 15:22, samtang si Cherry Andrin ang sa women's side sa iyang 19:59. Misidlak sa 3K fun run sila si Ranilo Gabilan (11:03) ug Mary Joy Loberanis (12:25). (BANAT NEWS)
- Latest
