Jason Canoy pakyas sa unang world title fight
CEBU, Philippines - Napilde gyud ang Sugbuanong si Jason Canoy batok ni Mzuvukile Magwaca pinaagi sa split decision sa ilang World Boxing Federation bantamweight championship fight kagahapon didto sa Oliver Tambo Hall sa Khayelitsha, Cape Town, South Africa.
Human sa 12 ka hugna nga binukbukay, ang duha ka judges nga sila si Clifford Mbelu ug Eddie Marshal mitali og 117-112 ug 117-110 pabor ni Magcawa, samtang si Darryl Ribbick mihatag og sikit kaayong iskor nga 115-114 pabor ni Canoy hinungdan sa split decision.
Si Canoy maoy agresibo gikan sa sinugdanan ug wala kini kahadlok nga midasdas ni Magcawa nga nagpunay sab og atras. Marunong kaayo si Magcawa kay mogunit kini dayon ug mogakus sa higayon nga maapeki.
Wala hinuo’y natrobol og maayo sa duha ka boksidor nga miwadwad og maayong away nga gikahimuot sa mga nanan-aw. (BANAT NEWS)
- Latest
