Refuela, Jopson nidominar sa ‘Break the Silence Global Run’
CEBU, Philippines - Ang professional boxer nga si Ian Refuela ug Amale Jopson maoy nidominar sa tagsa-tagsa nila ka dibisyon sa “Break the Silence Global Run” kagahapon didto sa SM Seaside City grounds.
Si Refuela naghari sa 21K men’s open sa oras nga 1:16:42, gisundan ni running coach Paul James Zafico sa iyang oras nga 1:19:57, samtang si Andy Tuñacao maoy ikatulo sa oras nga 1:21:55.
Sa women’s class, si Jopson milangkat sa korona human niya gitapos ang lumba sud sa usa ka oras ug 50 minutos. Si Jelly Rose Casquejo (1:57:48) ug Jane Ong (2:00:06) nalandig sa ikaduha ug ikatulong dapit.
Sa 12K men’s open, si Leo Sayson mao sab ang nag-una sa oras nga 45:30. Mipahiluna sa mosunod nga duha ka puwesto mao silang Jezrel Baguio (45:34) ug Adonis Singson (47:41).
Sa pikas bahin, si Reinhardt Panibon mao sab ang nag-una sa 12K women’s class sa oras nga 57:16, gisundan nila ni Ivy Muscosa (1:07:52) ug Precious Mae Villaver (1:11:32).
Si Andrew Kim Remolino (21:37) ug Karen Manayon (25:32) maoy mananaog sa 6K run, samtang sa 3K
sila si Keith Praizo (11:28) ug Jenalyn Baguio (12:10). (BANAT NEWS)
- Latest
