Henry Agbon nagmangtas na sab

CEBU, Philippines - Wala pa gihapon huwasi sa iyang kainit si Henry Agbon ug nagmangtas na sab kini aron pagtuboy sa iyang koponan J/J Surplus ngadto sa ikaupat nga daog  pinaagi sa 101-88 nga demolisyon sa Rey Builders Depot sa J&J Surplus Ballclub  7th Conference basketball tournament niadtong Miyerkules didto sa GT Academy gym sa Tayud, Lilo-an.

Grabe kaayo nakasalida si Agbon niadtong tungora nga walay kukahadlok sa opensiba ug halos walay sipyat sa iyang 3-point shots aron mohipos og 24 puntos sa J/J Surplus nga aduna na’y 4-3 nga  record.

Nakatampo sab og daku sa kadaugan si  Jomar Tiwan nga mitampo og 17 puntos. Si Larry Oroyan   miamot og 12 puntos  sa J/J Surplus nga maoy midominar sa kinatibuk-ang duwa.

Ang Rey Builders gipangulohan sa ilang team manager nga si Rey Tiongzon nga mibuhos og 27 puntos, samtang laing tulo niya ka teammates ang miiskor sab og double figures.

Sa laing aksiyon, ang J. Hayag Marketing wala sa’y  puangod nga midemolis sa W.D. Construction ni Peter Mereve sa iskor nga  71-48.

Gipangulohan gihapon ni Apyok Maglasang ang J. Hayag pinaagi sa iyang 15 puntos.

Sa main game, ang D’ Jammers ni Albert Icot wala sa’y kukaluoy nga milubong sa Gyro Steel ni Lando Mendoza sa iskor nga 69-48.

Ubos sa pagtugot sa ilang presidente nga si Henry Agbon, ang liga gipadagan ni commissioner Fury Trazona sa abag ni technical committee Chang Tejero ug nilang Inting Pilapil, Jeper Inahid ug Choy Pilapil sa CEBRA.

Puntos matag usa

Unang duwa:

J. HAYAG Mrktg.  (71) – A. Maglasang 15, Lofranco 12, Dela Rama 11, B. Maglasang 10, Cabahug 6, Yuson 6, C. Pepito 3, J.L. Hayag 2, B. Hayag 2.

W.D. Const. (48) – Jhong 14, Douglas 11, Mereve 10, Pedere 5, Monleon 4, Polgo 2, Nonay 2.

Ikaduhang duwa:

J/J Surplus (101) – H. Agbon 24, Tiwan 17, Oroyan 12, J. Agbon 8, Gentereloso 7, Maquilan 5, Echiverri 5, J.H. Agbon 4, Hayahay 4, Mangubat 4, Astillero 4, Arnado 3, Monto 2, Dela Cruz 2.

REY Builders (88) – Tiongzon 27, Suarez 21, Talisic 12, Sampad 10, Notarion 6, Ardimer  5, Notarion 3,  Ruffer 2, Acabo 2.

Ikatulong duwa:

D’ JAMMERS (69) – Jesus 30, Jocel 12, Tata 9, Laudo 7, Ricky 3, Albert 3, Burgos 3, Regan 2.

GYRO Steel (48) – Monleon 6, Mendoza 5, Briones 5, G. Cal 5, Ruales 2, Santosidad 2, Sarsate 2, J. Briones 2, D. Cal 2. (BANAT NEWS)