Star angay magbantay sa Game 2
CEBU, Philippines - Taas ang kompiyansa sa Star Hotshots human sa ilang kadaugan batok sa crowd-darling Barangay Ginebra sa Game 1 sa ilang “best-of-seven” semifinals series.
Apan si coach Chito Victolero mipasidaan sa iyang mga batos nga mas agresibo nga Ginebra ang ilang ikasangka karon sa Game 2 didto sa Mall of Asia Arena.
Ang duwa sugdan sa alas-5 sa hapon.
Ang Hotshots nga miangkon sa Game-1 sa iskor nga 78-74, magbinantayon aron dili mabawsan sa Ginebra ug ingon man makuha nila ang 2-0 nga bentaha.
Si Victolero daku og pagsalig sa iyang mga batos, apan mipasidaan nga dili magpadala sa emosyon ug labaw na nga dili mokompiyansa tungod kay dili basta-basta ang Ginebra ilabi na si multi-titled coach Tim Cone.
“Yun talaga yung aming pinaghahandaan. Our emotion, our composure, kailangan talaga we need to play [48] minutes with a proper mindset,” matud pa ni Victolero sa The Philippine STAR.
“I think may halong swerte na rin. (The players) have a big heart. May swerte and meron din hard work.”
Nagtuo si Victolero nga ang ilang depensa usa sa mga rason sa ilang kadaugan ug nanghinaot siya nga magpabilin kini sa tibuok serye aron moabante sa finals.
Sa Game-1 napugngan sa Hotshots ang mga tirador sa Ginebranga silang LA Tenorio ug Japeth Aguilar nga igo lang nakahimo og otso ug 11 puntos matag usa. (BANAT NEWS)
- Latest
