San Beda teams amoy na ang titulo

MANILA, Philippines - Lumapit sa hangad na ko­rona ang San Beda College nang itarak ang 1-0 panalo laban sa nagdedepensang Arellano University kahapon sa NCAA Season 92 men’s football tournament sa Rizal Memorial Foot­ball Field.

Sumandal ang Red Boo­ters sa late-goal ni Mike Da­niel Riconalla na naisalpak nito sa ika-81 minuto ng laban mula sa magandang setup ni Adolfo Abada upang dalhin ang kanilang tropa sa ikalawang sunod na panalo sa round-robin Final Four.

Isang panalo na lamang ang kinakailangan ng San Be­da upang masungkit ang titulo.

Makakasagupa ng Red Booters ang College of Saint Benilde sa Martes.

Ngunit kung matalo ang San Beda sa Benilde ay daraan sa one-game championship round ang da­lawang mangungunang ko­ponan sa Final Four.

“That’s the match we’ve be really preparing hard,” sa­bi ni San Beda coach Mi­chael Pediamonte.

Nauna nang tinalo ng San Beda ang Lyceum of the Philippines University, 2-1, sa kanilang unang laro sa semis.

Nagbida sa naturang pa­nalo si Filipino-British Connor Tacagni na siyang ku­mana ng dalawang goals ng San Beda.

Tuluyan namang na­ma­alam sa kontensiyon ang Arellano na may 0-2 baraha sa semis.

Sa juniors, isang pa­nalo na lang rin ang ki­na­kailangan ng San Beda para makuha ang korona.

Tinalo rin ng Junior Red Booters ang Junior Chiefs, 4-1.

Wagi rin ang Letran la­ban naman sa La Salle-Greenhills, 3-0.