LeBron nagmaya sa pagtapon ni Korver sa Cavs
Ang pagbalhin sa kanhi 'Three-point King' nga si Korver sa Cavs opisyal nang gianunsiyo kagahapon diin gitan-aw dayun siya nga dungag pwersa sa defending champion nga gibitoonan nang daan sa 'Big 3' nila ni LeBron James, Kyrie Irving ug Kevin Love.
"It adds another dynamic piece to our team," matud pa ni James sa Associated Press. "Hell of a sharp shooter and just a great guy. Great professional, as you've seen over his career. A guy that's played at a high level for a long time, has championship aspirations. And, he has another rocket launcher."
Ang 35-anyos nga si Korver dakung tabang sa Cavs ilabi na nga dugay pa makabalik og duwa si J.R Smith. Ang 6-foot-7 nga si Korver adunay career three-point percentage nga 43 % ug labaw pa sa iyang kahingigo mao ang iyang kasinatian sa playoffs.
Si Korver mohimo sa iyang debut game sa Cavs karong adlawa sa ilang duwa batok sa Phoenix Suns. Si Cavs coach Tyronn Lue miingon hinuon nga si Korver mahimong usa ka bench player, apan misaad nga taas kini og makuha nga playing time.
Si Lue miingon nga mas makakita og daghang tsansa nga makatira sa gawas si Korver uban sa Cavs kaysa sa Hawks tungod usab kay mabahin ang depensa sa ilang kaatbang ilabi na nga anaa usab sila si Irving, Love ug Channing Frye nga mga tirador usab sa gawas. (BANAT NEWS)
- Latest
