Atillo midaog na sab
CEBU, Philippines - Nasegundahan ang daog sa team Atillo human nila gipilde ang Bob & Chino, 92-85 sa Power Forty Ballclub 50-above 1st Conference basketball tournament niadtong Martes didto sa Inayawan Sports Complex.
Ngilngig kaayong nakaduwa sila si Teody Ebrado ug Tony Ungria nga nagkumboya og 47 puntos aron pangulohan ang team Atillo nga adunay 2-0 record.
Ang Bob & Chino gipangulohan sab ni Alex Ocariza nga mibahog og 27 puntos.
Sa laing aksiyon, nakabawi dayon ang team Yosores sa ilang kapildihan human nila gipukan ang team Rama, 84-79.
Kuyaw kaayong nakaduwa si Eric Espinosa, kinsa mipabuhagay og 36 puntos aron pangulohan ang balanseng opensa sa Yosores. Sila si Jun Nacional ug Roel Traya nagtampohay og 17 puntos sa team Yosores nga adunay 1-1 win-loss record.
Si Michael Arias miburak og 30 puntos aron sab pangulohan ang team Rama nga nagbitbit na karon og 1-2 nga baraha ning maong liga nga nahimo pinaagi sa paningkamot ni Power Forty president Dome Labalan inabagan ni Vez Eleguin ug commissioner Edwin Dejacto Sr.
Puntos matag usa
Unang duwa:
ATILLO (92) – Ebrado 24, Ungria 23, Pabillon 16, Fuentes 12, Abasolo 8, Pestaño 4, Abellana 3, Atillo 2.
BOB & CHINO (85) – Ocariza 27, Cabrera 16, Gaviola 13, Dumale 9, P. Cabrera 8, Cabatas 7, Ramil 3, Labalan 2.
Ikaduhang duwa:
YOSORES (84) – Espinosa 36, Nacional 17, Traya 17, Moniva 4, F. Yosores 3, S. Yosores 3, Echavez 2, Navares 2.
RAMA (79) – Arias 30, Cabaluna 11, Mosqueda 10, Lisondora 10, Misa 8, Montuis 4, R. Rama 4, Balansag 2. (BANAT NEWS)
- Latest
