El Kapitan mikatkat sa ikaduhang dapit
CEBU, Philippines - Mikatkat na ang El Kapitan sa ikaduhang dapit sa standing human makaeskapo bitbit ang 69-63 nga kadaugan batok sa Blizzard sa 6th Conference J&J Surplus Ballclub basketball tournament niadtong Lunes didto sa Talit’s Garden open court sa Tayud, Lilo-an.
Nangu sa balanseng ataki sa El Kapitan si Jerome Lauron nga mikabkab og 16 puntos.
Sa kasamtangan, ang El Kapitan nagbitbit na og 9-1 nga baraha.
Gipangulohan sab ni Jay-R Bucatan ang Blizzard nga mikamada og 24 puntos, si Rommel Bucatan mihakot og 13 puntos, samtang si Rex Borres mitampo’g 12 puntos.
Sa pasiunang duwa, misamot kahayag ang paglaum sa JM Hayag nga motikang sa sunod nga hugna dihang ilang gilat-an ang Val Team, 105-63.
Nangu sa kadaugan sa JM Hayag si Roche Sanchez nga miduslit og 19 puntos, samtang si Benz Lofranco midagkot og 16 puntos.
Lain pang mihaling og double figures sa 9-2 nga JM Hayag mao silang Romnick dela Rama, Joelee Hayag ug Casper Bugtai.
Ang Val Team gipangulohan ni Wilbert Cuyos sa iyang 19 puntos, gisundan nilang Jun Tajanlangit ug L.A. nga parehong miamot og 15 puntos.
Sa laing duwa, ang Junrey Marketing miiskor na sab og daog pinaagi sa pagdemolis sa Gyro Steel sa iskor nga 54-38.
Ang liga ubos sa superbisyon ni Henry Agbon, ang presidente sa maong ballclub inabagan ni commissioner Fury Trazona ingon man nilang Choy Pilapil, Inting Pilapil ug Rahsken Lucob.
Puntos matag usa
Unang duwa:
JM HAYAG (105) – Sanchez 19, Lofranco 16, Dela Rama 15, JL Hayag 13, Bugtai 12, A. Maglasang 9, Pepito 7, Romero 7, Cabahug 5, Villares 4.
VAL TEAM (63) – W. Cuyos 19, Tajanlangit 15, L.A. 15, Tuico 8, Cortes 4, Garbo 2.
Ikaduhang duwa:
EL KAPITAN (69) – J. Lauron 16, Achumbre 13, Jumamoy 9, Abraham 8, Torres 5, Suson 4, Quimbo 3, Olgasan 3, W. Salibongcogon 2, Lauron 2, Pepito 2, Ybañez 2.
BLIZZARD (63) – J. Bucatan 24, R. Bucatan 13, Borres 12, Tabujara 8, K. Judilla 4, R. Judilla 2, Villagas 2.
Ikatulong duwa:
JUNREY MRKTG (54) – Arellano 15, D. Mercader 11, Wesley 8, Ragas 4, Oyao 4, Cabellon 2, J. Arevalo 2, Jolan 2, Cairo 2.
GYRO STEEL (38) – Santosidad 9, Quingco 8, T. Cal 4, Buton 3, Mendoza 2, Ruales 2, Ragosta 2, Cal 2, D. Cal , Degamo 2, Briones 2. (BANAT NEWS)
- Latest
