Geobert Merchandise wa’y pilde sa eliminasyon
Ang Geobert milubong sa Gabela sa iskor nga 83-66, samtang ang Central Judas nakaipsot sa Carkienna Restaurant, 85-82.
Isip top 2 sa bracket B, ang Geobert ug Central Judas nakabaton og “twice-to-beat” incentives sa crossover quarterfinals.
Si Benson Manayon mikadlit og 20 puntos, samtang ang team owner nga si Nonoy Sajot mitimbre og 19 puntos ug si Bing Abrasado mipatik og 18 sa Geobert nga mikompleto sa 3-0 sweep sa elimination ubos sa bracket B.
Si Pitogo mao sab ang topscorer sa Gabela sa iyang 20 puntos, gisundan sa tag-iya niining si Joel Pitogo ug Virgilio Pepino nga adunay 12 puntos matag usa.
Sa iyang bahin, si Joel Brigoli miburak og 35 puntos aron mangu sa Central Judas. Si Tata Paterno miamot og 12 puntos.
Ang Carkienna gipangulohan ni Marchin Rojas nga mipupo og 25 puntos, si Bong Beltran miani og 18 puntos. Sila si Meloy Malagar ug Kevin Sanchez nagkumboya’g 27 puntos.
Sa laing aksiyon, ang Rylie Internet Shop napukan ngadto sa Taishun, 99-105 ubos sa bracket A.
Bisan sa maong kapildihan, ang Rylie nakaangkon gihapon og “twice-to-beat” incentives sa quarterfinals tungod sa ilang 2-1 record uban sa Kirt Shipping Lines nga midaog pinaagi sa forfeiture batok sa GAB Airconditioning.
Si Hejapon maoy nangu sa Taishun nga mipabuhagay og 40 puntos, gisundan ni Noel Maglasang nga adunay 39 puntos ug Francis Torralba nga mipupo og 20 puntos.
Gipangulohan sab ni Katew Armean ang Rylie nga mitali og 27 puntos. Si Kuwal Congson mitampo og 23 puntos, samtang si Gary Rojas mikamada og 18 puntos ug si Jay Agbay adunay 16 puntos.
Ang liga nahimo pinaagi sa paningkamot ni Vendredi president Gary Rojas.
Ang mga duwa ubos sa superbisyon ni Bryan Burlaos.
Puntos matag usa
Unang duwa:
Central Judas (85) – Brigoli 35, Paterno 12, Lupin 9, Jugan 7, T. Jayme 6, Brian 6, Michael 5, Ares 4, P. Jayme 2.
Carkienna Restaurant (82) – Rojas 25, Beltran 18, Malagar 15, Sanchez 12, Montecillo 9, Tan 3.
Ikaduhang duwa:
GEOBERT Merchandise (83) – B. Manayon 20, Sajot 19, B. Abrasado 18, A. Abrasado 8, R. Manayon 6, Pernito 4, Mark 4, Bragas 2.
GABELA (66) – A. Pitogo 20, J. Pitogo 12, Pepino 12, Limbo 7, Fuentes 6, Demecillo 4, Roland 4.
Ikatulong duwa:
TAISHUN (105) – Hejapon 40, N. Maglasang 39, Torralba 20, J. Maglasang 6.
RYLIE Internet (99) – Armean 27, Congson 23, Rojas 18, Agbay 16, Rosalejos 9, Siatelo 6. (BANAT NEWS)
- Latest
