Folayang dili moatras ni bisan kinsa
CEBU, Philippines - Giklaro ni Pinoy mixed martial arts superstar Eduard ‘Landslide’ Folayang nga dili siya mosibog bisan kinsa pa ang iparang alang sa una niyang title defense sa ONE world featherweight championship.
Gitay-og ni Folayang ang tibuok kalibotan sa MMA dihang iyang gi-TKO sa ikatulong hugna si Japanese legend Shinya Aoki aron mailog ang kalibotanong bakus niadtong Biyernes.
Mitumaw ang posibilidad alang sa usa ka “rematch” batok ni Aoki nga gihangop sa pambato sa Team Lakay nga si Folayang, apan migimaw usab ang pangan sa wa’y pildeng Russian nga si Marat Gafurov isip usa ka title contender. Si Gafurov laraw nga mamahimong two-division world champion tungod kay siya ang defending featherweight champion. Ang 31-anyos nga si Folayang nga adunay rekord nga 17-5, mao ang bugtong Pinoy fighter nga usa ka kampiyon karon sa tanang MMA organization sa kalibotan. (BANAT NEWS)
- Latest
