Arum puwersadong ikasa ang Pacquiao-Mayweather rematch
MANILA, Philippines - Kung si promoter Bob Arum ang tatanungin ay nasa 75 porsiyentong maitatakda ang rematch nina Filipino world eight-division champion Manny Pacquiao at retirado nang si American world five-division titiist Floyd Mayweather Jr.
Ito ay bagama’t hindi pa nakakausap ng pinuno ng Top Rank Promotions ng personal si Mayweather at ang adviser nitong si Al Haymon.
“I have not spoken to Mayweather, not with Al Haymon,” wika ni Arum kahapon sa panayam ng BoxingScene.com. “It’s just my opinion which is valid as the opinion of anyone else.”
Tinalo ni Mayweather si Pacquiao via unanimous decision sa kanilang super fight noong Mayo ng 2015.
Noong nakaraang Linggo ay personal na pinanood ni Mayweather (49-0-0, 26 KOs) ang pag-agaw ni Pacquiao (59-6-2, 38 KOs) sa World Boxing Organization welterweight crown ni Jessie Vargas (27-2-0, 10 KOs) sa Las Vegas, Nevada.
Kung hindi mapaplantsa ang rematch nina Pacquiao at Mayweather ay tinitingnan ni Arum na opsyon si unified light welterweight king Terence Crawford.
“Obviously, if Mayweather decides to come out of retirement, that would be the fight for Manny. But if not, Crawford would be the choice,” ani Arum.
Ngunit mangyayari lamang ito kung mananalo si Crawford (29-0-0, 20 KOs) kontra kay challenger John Molina (29-6-0, 23 KOs) sa Disyembre 10 sa Century Link Center sa Omaha, Nebraska.
“Crawford has a very tough fight with Molina. If he wins that fight then we would look at Manny’s options for 2017,” dagdag pa ni Arum.
Si Crawford ang kasalukuyang light welterweight ruler ng WBO at World Boxing Council.
- Latest

















