Super bantamweight title isinuko ni Donaire kay Magdaleno

LAS VEGAS -Hindi ma­kapaniwala si Nonito ‘The Filipino Flash’ Donaire, Jr. nang marinig ang sinabi ni ring announcer Michael Buffer.

“This is unbelievable,” wika ni Donaire. “We definitely won the fight. Losing this never crossed my mind. I controlled the se­cond half of the fight. This is hard to believe.”

“I thought we controlled the fight,” dagdag pa nito.

Lumaban nang husto si Donaire, ngunit hindi ito sa­pat para makuha ang puntos ng mga hurado.

Isinuko ni Donaire ang kanyang suot na WBO su­per bantamweight crown kay Mexican-American Jes­sie Vargas matapos ma­­kalasap ng unanimous decision loss kahapon dito sa Thomas & Mack Center.

Nilapitan ni Magdaleno si Donaire sa loob ng ring matapos ang laban at nag­yakapan ang dalawa.

“I have respect for you,” sa­bi ng 24-anyos na si Mag­daleno sa 33-anyos na Filipino fighter.

Nabigo si Donaire na mai­konekta ang kanyang left hook sa halos kalahati ng kanilang laban ni Mag­da­leno.

Kabaligtaran naman ito sa naipapasok na left straights at right hooks ni Mag­daleno.

Sa rounds 10, 11 at 12 ay pinilit ni Donaire na ma­agaw ang panalo.