Fury nag-wild
CEBU, Philippines - Nagmangtas na sab si Fury Trazona diin nagpauwan siya og 10 ka 3-pointers alang sa iyang koponang E-F Surplus nga wa’y puangod milubong sa gidaug-daog nga Northern Energy, 100-71 sa 6th Conference J&J Surplus basketball tournament niadtong Sabado didto sa Talit’s Garden sa Tayud, Lilo-an.
Si Fury mao sab ang nangunay sa pagpangu sa E-F Surplus nga mipabuto og 38 puntos. Ang E-F Surplus nga wala na mapukan sa lima nila ka sunod-sunod nga duwa mao na ang nag-una sa standing sa ilang 5-1 record. Sila si Jade Layese ug Ken Nuñez parehong mikamada og 14 puntos, samtang si Apyak Maglasang mikambiya og 12 puntos.
Upat sab ka Northern Energy players ang miiskor og double figures nga naglakip nilang Tiongzon, Lumontad, Nacion ug Notarion.
Sa lain pang duwa, si Jomar Tiwan mikadlit og 22 puntos aron mangu sa J-J Surplus ni Henry Agbon nga midaog batok sa Gyro Steel, 65-56.
Ang Gyro Steel ni Lando Mendoza gipangulohan sab ni Tomas Cal pinaagi sa iyang 15 puntos.
Midaog sab ang Pagutlan sa ilang duwa batok sa YUFO, 79-72 ubos sa pagpangulo nilang Marmar Lisarraga ug Jed Goc-ong nga nakumboya’g 27 puntos.
Puntos matag usa
Unang duwa:
E-F Surplus (100) – Fury 38, Layese 14, Nuñez 14, A. Sabang 12, Palo 8, Caballes 8, Sabang 4, Llamedo 4,
NORTHERN Energy (71) – Tiongzon 20, Lumontad 16, Nacion 12, Notarion 11, Notarion 4, Acabo 3, Leones 2.
Ikaduhang duwa:
J-J Surplus (64) – Tiwan 22, Astillero 10, Oroyan 10, J. Echiverre 9, Hayahay 6, B. Echiverre 4, Tadlas 2.
GYRO Steell (56) – T. Cal 15, Degamo 12, Briones 8, D. Cal 4, Mendoza 4, Ruales 4, Quingco 4, Santosidad 4, Monleon 2.
Ikatulong duwa:
PAGUTLAN (79) – Lisarraga 14, Goc-ong 13, Ruiz 10, Judilla 10, Cantillas 10, Alcuizar 8, Esconde 7, Gasal 4, Pagobo 2.
YUFO (72) – Polosan 21, Ale 17, Caro 11, Moreno 9, Opon 4, Dela Cerna 4, Capangpangan 2, Normandia 2. (BANAT NEWS)
- Latest
