Chao Sy dunay bag-ong boksidor

CEBU, Philippines - Gawas kang Junriel Jimenez nga usa ka impresibong light flyweight boxer, si boxing ug basketball promoter nga si Lorenzo  ‘Chao’ Sy  mikuha og duha ka bag-ong batos nga  iyang napalgan didto sa Pangasinan atol sa  Philippine National Games (PNG) nga bag-o lang natapos.

Ang duha ka boksidor nga sakop na karon sa Chao Sy Stable mao silang Ramil Macado ug Ian Refuela. Silang Macado ug Ian Refuela pulos nirepresentar sa Team Cebu City nga miaway sa PNG didto sa Pangasinan. 

Laing sakop sa Team Cebu City mao sila si Jorge Rey Edusma ug Richard Rama nga midaog og gold medals, Marco Pumar, Kit Ceron Garces ug Rodex Piala nga parehong mikabkab og silver medals.

Si Macado nga taga Koronadal, South Cotabato  midaog og gold medal ubos sa light flyweight division. (BANAT PALARO)