UV miharos sa eliminasyon

CEBU, Philippines - Nakadaginot pa gyud og daog ang UV Green Lancers dihang ilang gipanitan ang USPF Panthers, 83-64 sa katapusan nilang duwa sa eliminasyon sa 1st Capt. Raul Cabanero Inter-collegiate Basketball League niadtong Huwebes  didto sa Bulacao Sports Complex.

Ang UV nga mitapos sa eliminasyon  bitbit ang 5-0 record gipangulohan ni Rey Suerte sa iyang 20 puntos, samtang si Clyde Dexter Avancena mao sab ang nangu sa USPF   nga adunay  15 puntos.

Sa laing aksiyon, ang Maharlika yano kaayong miiskor og daog pinaagi sa paglubong sa San Vicente, 59-47 sa Inter-sitio division.

Ang maong liga  gipasiugdahan ni Bulacao  Brgy. Capt. ug Talisay City ABC president Raul Cabanero.  Gisuportahan  kini sa Bulacao Barangay Council ug sa SK Task Force. Gipadagan ang mga duwa  nilang konsehal Banjo Abastillas, Darwin Cabanero ug Agnes Lastimosa ug sa CEBRA pinangulohan ni  Edwin Dejacto Sr. (BANAT PALARO)