Largo, Bunsocan naghari sa Minglanilla duathlon
CEBU, Philippines - Sila si Michael Largo ug Gazelle Bunsocan maoy nanghawod sa tagsa-tagsa nila mga kategoriya sa Minglanilla Duathlon ug Eco Run 2 niadtong weekend didto sa Tubod, Minglanilla.
Sa duathlon nga naglangkob og 5K run, 18K bike ug laing 5K run, si Largo maoy mipatigbabaw sa 35-above age group sud sa duha ka oras, 15 minutos ug usa ka segundo.
Nabutang sa halayo kaayong ikaduha nga dapit si Ernie Saavedra sa oras nga 2:51:09, samtang si Alex Dalusug maoy nalandig sa ikatulong puwesto sa oras nga 3:01:46.
Sa iyang bahin, si Bunsocan maoy naghari sa 34-below category sa labing paspas nga oras nga 2:58:11. Nagsunod kaniya mao sila si Rolando Alcala (3:26:34) ug (3:28:42).
Sa 18K trail run, si Robie Catat milangkat sa men's open title sa oras nga 1:11:15, samtang si Leah Marie Gopez maoy gikoronahang hara sa women’s open sa oras nga 2:36:11.
Sa 5K class, misidlak sa ilang dibisyon mao sila si Rene del Corro (26:11) ug Artchel Lao (50:06). (BANAT PALARO)
- Latest
