Omega Pro MIPORMA elite triathlon team

CEBU, Philippines - Gipaila sa Rider  Omega Pro Team ang labing lig-on nilang triathlon team nga gipangulohan sa mga seasoned triathlete nga silang  Paul Jumamil, Banjo Norte ug Kristiane Lim.

Ang tulo pulos nagagikan sa Alaska TriAspire,   usa sa labing respetadong triathlon team sa nasud.

Gawas nila, ang Omega Pro milakip usab ni  Cianyl Jamae Gonzalez  gikan sa Parklane Triathlon Team. Anaa usab ang magtiayong  Mendel ug Lorhiz Lopez ug Welmar Saavedra.

Ang Omega Pro mikuha usab og 20 ka triathletes alang sa koponan nga morepresentar nila sa age-group categories.

Si Paul Jake Castillo, ang manager sa koponan ug usa usab ka triathlete miingon nga gusto nila nga mamahimong labing lig-ong triathlon team sa nasud. (BANAT PALARO)