Sugbuanong netters rated sa Singapore
CEBU, Philippines – Duha ka Sugbuanong netters nga sila si Israel ‘RJ’ Abarquez ug Lourelu Mari Alburo apil sa listahan sa top 20 tennis players sa Singapore sa managlahing kategoriya.
Sila si Abarquez ug Alburo parehong No. 14 sa singles ug doubles segun sa labing uwahing update sa Singapore Tennis Association (STA).
Sa kasamtangan, si Abarquez adunay 75 puntos nga iyang nakuha human siya nahimong runner-up ni Philip Hammer sa usa ka open tournament sa maong nasud niadtong Septiyembre, samtang si Alburo, kanhi sa University of San Jose-Recoletos, No.14 sab sa women’s doubles bitbit ang 125 puntos.
Si Abarquez, nga nagtrabaho karon isip tennis coach sa gitawag nga Lion City, nagtabla ug si Siu Fai Kelvin Lam sa rankings nga gidominar sa iyang kababayan nga si Adelo Abadia nga adunay 500 puntos.
Nagtinguha si Abarquez nga mokatkat pa sa mas taas nga bahin sa ratings sa iyang pagsalmot sa singles ug doubles event sa STA Open sunod bulan didto sa Kallang Tennis Centre. (BANAT NEWS)
- Latest
