Sa 91st NCAA women’s volleyball tournament Lady Stags kinumpleto ang sweep para sa finals berth

MANILA, Philippines – Pinabagsak ng San Se­­bastian Lady Stags ang College of Saint Benilde Lady Blazers, 25-20, 22-25, 25-17, 25-18, upang makumpleto ang matamis na pagwalis sa elimination round at awtomatikong ma­sungkit ang unang silya sa finals kahapon sa NCAA Season 91 women’s volley­ball tournament sa The Are­na sa San Juan City.

Pinatunayan ni Grethcel Soltones na siya ang reig­ning Most Valuable Player ng liga matapos bumira ng 32 puntos para sa Lady Stags.

Tampok dito ang 24 ata­ke at anim na aces pa­ra tulungan ang San Se­bastian na mailista ang ka­­nilang ika-siyam na sunod na pa­nalo.

“We just want to make his­tory and make the school proud,” pahayag ni head coach Roger Go­rayeb sa naturang panalo ng kanyang Lady Stags.

Magtataglay ang San Sebastian ng pambihirang ‘thrice-to-beat’ advantage sa championship round.

Ang tatlong susunod na koponan sa Lady Stags ay dadaan naman sa stepladder semifinals.

Sa stepladder format, ang No. 2 at defending champion na Arellano University na may 8-1 rekord sa eliminasyon ay bibigyan ng ‘twice-to-beat’ advantage.

Ang magwawagi sa pa­gitan ng No. 3 University of Perpetual Help System Dalta (7-2) at No. 4 St. Benilde (6-3) ang siyang ha­harap sa Arellano.

Sa men’s division, igi­nupo ng Perpetual Help Altas ang Colegio de San Juan de Letran Knights, 25-15, 25-22, 25-18, para mahablot ang ‘twice-to-beat’ card sa semis.

Nagtulong sina team captain Bonjomar Castel at Rey Taneo, Jr. sa pagko­lekta ng 22 puntos para pa­munuan ang Altas sa ka­nilang ika-walong panalo sa siyam na laro.

Kasalo ng Perpetual ang Emilio Aguinaldo College (8-1) sa unahan ng standings kaya’t isang playoff sa pagitan ng dalawang koponan ang lalaruin bukas upang madetermina ang pinal na puwestuhan.

Ang mananaig ang siyang kukuha sa top see­ding para harapin ang No. 4 sa Final Four, habang ang matatalo ang magiging No. 2 at haharapin ang No.3 team.