Mga piloto magtige sa basketbol

CEBU, Philippines – Mga piloto sa eroplano magtigi sa ilang abilidad sud sa hardcourt pinaagi sa 1st Asian Pilots Invitational Basketball Tournament nga mosikad karong Enero 14 didto sa Treston International College sa Bonifacio Global City, Taguig.

 Giorganisar sa Airlines Pilots Association-Singapore (ALPA-S), mopadagan sa maong tulo ka adlaw nga aksiyon mao si commissioner Ed Cordero inabagan ni PBA legend Ramon ‘El Presidente’ Fernandez nga maoy tournament director.

Ang lima ka entranteng koponan mao ang ALPA-S, Cebu Pac, Thai-PA, Philippine Airlines ug Air Asia.

Magduwa sila ubos sa single round robin format sa eliminasyon, diin ang top two teams mao na dayon ang magsangka sa kampiyonato.

Dunay three-point shootout sa dili pa ang final match karong Enero 16. (BANAT NEWS)