Sinulog Fun Run ‘sikad na

CEBU, Philippines – Gatosan ka runners ang managan sa dalan  sayo karong buntag gumikan kay mosikad na ang Sinulog Fun Run diha sa Cebu City Sports Center.

Si Mary Joy Tabal, ang rayna sa Philippine marathon sud sa tulo ka sunod-sunod na ka tuig, wala na magdahom nga iyang malabwan ang iyang personal best sa maong 5K run, apan segurado na nga iyang madepensaan ang iyang korona.

Wala hinuon mangandoy pa og dungog si Tabal kay bugtong niyang tinguha mao ang mamahimong tipik ug kabahin sa maong event nga nakatabang kaniya pagkab-ot sa dungog nga iyang nabatonan karon.

Dul-an sa P60,000 nga ganting salapi ang iapud-apod sa top 10 finishers sa men’s ug women’s division.   (BANAT NEWS)